Ákvæði um C-flokk framkvæmda taka gildi í dag
Vakin er athygli á að í dag taka gildi ákvæði laga um mat á umhverfisáhrifum sem snúa að framkvæmdum í flokki C. Í flokk C falla framkvæmdir sem lágu áður neðan viðmiðunarmarka laganna.
Framkvæmdir í flokki C eru tilkynningarskyldar til sveitarstjórnar, sem tekur ákvörðun um hvort þær skuli háðar umhverfismati. Gert er ráð fyrir að sú umfjöllun geti fallið saman við hefðbundna yfirferð gagna vegna framkvæmda- og byggingarleyfisveitinga. Þær framkvæmdir í flokki C sem ekki eru háðar framkvæmda- eða byggingarleyfi sveitarstjórna skal tilkynna til Skipulagsstofnunar.
Greint er frá málsmeðferð varðandi framkvæmdir í flokki C í 6. gr. laga um mat á umhverfisáhrifum. Nánari skýringar verður að finna í endurskoðaðri reglugerð um mat á umhverfisáhrifum og leiðbeiningum sem verða birtar á næstu dögum.
Eldri frétt um breytingar á lögum um mat á umhverfisáhrifum