Hólasandslína 3
Mat á umhverfisáhrifum - frummatsskýrsla í kynningu
Kynningartími stendur til 21. desember 2018
Landsnet hefur tilkynnt til umfjöllunar Skipulagsstofnunar frummatsskýrslu um Hólasandslínu 3, 220 kV raflínu frá Akureyri að Hólasandi. Línuleiðin liggur innan fjögurra sveitarfélaga: Akureyrarkaupstaðar, Eyjafjarðarsveitar, Þingeyjarsveitar og Skútustaðahrepps.
Tillaga að ofangreindri framkvæmd og skýrsla um mat á umhverfisáhrifum hennar liggur frammi til kynningar 9. nóvember 2018 til 21. desember 2018 á eftirtöldum stöðum: Í ráðhúsi Akureyrarkaupstaðar Geislagötu 9, á skrifstofum Eyjafjarðarsveitar, Þingeyjarsveitar og Skútustaðahrepps, í Þjóðarbókhlöðunni og hjá Skipulagsstofnun.
Frummatsskýrsla er aðgengileg hér.
Fylgigögn eru á heimasíðu Landsnets .
Allir hafa rétt til að kynna sér framkvæmdina og leggja fram athugasemdir. Athugasemdir skulu vera skriflegar og berast eigi síðar en 21. desember 2018 til Skipulagsstofnunar bréfleiðis eða með tölvupósti á skipulag@skipulag.is.