Úthlutun úr rannsóknar- og þróunarsjóði 2011
Frestur til að skila umsóknum um styrki rann út 1. ágúst 2011. 8 umsóknir bárust um styrk úr rannsóknar- og þróunarsjóði Skipulagsstofnunar.
Úthlutunarnefnd ákvað um síðustu mánaðamót að veita 4 umsækjendum styrki en þeir eru:
- Fjórðungssamband Vestfirðinga fær 1,5 m. kr. vegna tilraunaverkefnis í Arnarfirði um nýtingaráætlun fyrir strandsvæði.
- Alta ehf. fær 1,5 m. kr. í verkefni sem felst í að leggja drög að innleiðingu stafrænna skipulagsáætlana á Íslandi.
- Sigurður Jens Sigurðsson fær 0,8 m. kr. styrk til að vinna að stöðugreiningu og stefnumótun í skipulagningu landbúnaðarsvæða með notkun landupplýsingakerfa.
- Salvör Jónsdóttir fær 0,9 m. kr. styrk til að skoða skilgreiningar á landbúnaðarlandi í skipulagsáætlunum og hvernig ítarlegri skilgreining samræmist stjórnsýslu landbúnaðarmála.