Ársfundur norrænna skipulagsyfirvalda á Íslandi
Á fundinum eru kynntar ársskýrslur frá hverju landi um það helsta á sviði skipulagsmála á liðnu ári. Sérstakt þema fundarins að þessu sinni er síðan landsskipulag, auk þess sem til umræðu eru ýmis samstarfsverkefni norrænna skipulagsyfirvalda sem m.a. fjalla um hafskipulag, sjálfbært skipulag og landslagsmál í skipulagi.
Að loknum fundi í gær var haldið í Landnámssetrið í Borgarnesi þar sem fulltrúar Borgarbyggðar tóku á móti hópnum og fræddu um Borgarbyggð og það sem efst er á baugi í skipulagsmálum í sveitarfélaginu. Góðum vinnudegi lauk síðan í kvöldverði sem Sigurður Ingi Jóhannsson umhverfis- og auðlindaráðherra bauð til í Landnámssetrinu.