Skipulagsdagurinn 15. september 2016
Gæði byggðar og umhverfis
Skipulagsstofnun stendur árlega fyrir Skipulagsdeginum í samvinnu við Samband íslenskra sveitarfélaga. Í ár verður skipulagsdagurinn haldinn 15. september á Grand Hótel í Reykjavík.
Að þessu sinni verður áhersla Skipulagsdagsins á gæði byggðar og umhverfis. Horft verður til þess hvernig beita má skipulagi til að tryggja gæði í byggðu umhverfi almennt og sérstaklega við uppbyggingu ferðamannastaða. Á dagskrá verða fjölbreytt erindi og kynningar, innlendra og erlendra aðila.
Ráðstefnan er ætluð öllum sem koma að gerð skipulags – sveitarstjórnarmönnum, skipulagsfulltrúum sveitarfélaga, skipulagsráðgjöfum og hönnuðum.
Nánari upplýsingar um dagskrá verða kynntar í júní.
Takið daginn frá.