Styrkir úr Rannsóknar- og þróunarsjóði Skipulagsstofnunar 2016
Úthlutað hefur verið úr sjóðnum og alls bárust tíu umsóknir um styrki með ósk um samtals rúmlega tuttugu milljónir en í ár hafði sjóðurinn sjö milljónir króna til ráðstöfunar. Til grundvallar mati á umsóknum voru viðmið sem kynnt voru þegar auglýst var eftir umsóknum í sjóðinn. Auk þess var lagt mat á hefðbundna þætti rannsóknarumsókna, s.s. þekkingu og reynslu umsækjanda, markmið verkefnis, aðferðir og raunhæfni verk- og kostnaðaráætlunar og væntanlegs afraksturs. Þá var horft til þess hvort um var að ræða þróunarverkefni og rannsóknir á sviði skipulagsmála sem nýtast sveitarfélögum við skipulagsgerð.
Eftirtalin verkefni hlutu styrk:
- Landslag og þátttaka
- Svæðisbundin skipulagsgerð fyrir haf- og strandsvæði næst landi – Raundæmið Skjálfandi
- Víðerni á miðhálendi Íslands – rýnihóparannsókn á viðhorfum almennings
Gert er ráð fyrir að lokaskýrslur rannsóknarverkefna verði birtar á vef Skipulagsstofnunar.