Staðfesting á breytingu á aðalskipulagi Grímsnes- og Grafningshrepps vegna frístundabyggðar F76, Bjarnastöðum
Skipulagsstofnun staðfesti 5. september 2023 óverulega breytingu á Aðalskipulagi Grímsnes- og Grafningshrepps 2020-2032 sem samþykkt var í sveitarstjórn 5. apríl 2023.
Í breytingunni felst að afmörkun og staðsetning frístundabyggðar F76 í landi Bjarnastaða er færð til fyrra horfs eins og hún var sýnd í eldra Aðalskipulagi Grímsnes- og Grafningshrepps 2008-2020. Svæðið stækkar um 13 ha og landbúnaðarsvæði L2 minnkar til samræmis.
Málsmeðferð var samkvæmt 2. mgr. 36. gr. skipulagslaga.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar og í Skipulagsgátt þegar breytingin hefur öðlast gildi með birtingu í B-deild Stjórnartíðinda.