Staðfesting á breytingu á aðalskipulagi Skeiða- og Gnúpverjahrepps vegna þjónustumiðstöðvar við Selhöfða
Skipulagsstofnun staðfesti 6. júlí 2023 breytingu á Aðalskipulagi Skeiða- og Gnúpverjahrepps 2017-2029 sem samþykkt var í sveitarstjórn 7. júní 2023.
Í breytingunni felst að skilgreint er um 27 ha verslunar- og þjónustusvæði VÞ26 við Selhöfða vegna áforma um uppbyggingu þjónustumiðstöðvar. Skógræktar- og landgræðslusvæði SL17 minnkar samsvarandi. Felld er út aðkoma að Selfit og verður hún sameiginleg með aðkomu að þjónustumiðstöð. Áformað er að leggja veg frá þjónustumiðstöð að hóteli í Reykholti.
Málsmeðferð var samkvæmt 1. mgr. 36. gr. skipulagslaga.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.