Auglýsing um skipulag - Langanesbyggð
Aðalskipulag Langanesbyggðar 2007-2027
Tillagan sem nær til alls sveitarfélagsins er sett fram í aðalskipulagsgreinargerð með umhverfisskýrslu, þéttbýlisuppdrætti fyrir Þórshöfn í mælikvarða 1:10.000, þéttbýlisuppdrætti fyrir Bakkafjörð í mælikvarða 1:5.000 og sveitarfélagsuppdrætti í mælikvarða 1:50.000.
Tillagan verður til sýnis á skrifstofum Langanesbyggðar, Fjarðarvegi 3 á Þórshöfn og í Skólagötu 5 á Bakkafirði frá kl. 8.00 til 16.00 alla virka daga frá 7. október 2010 til 18. nóvember 2010. Jafnframt er tillagan til sýnis hjá Skipulagsstofnun, Laugavegi 166, Reykjavík.
Skriflegar athugasemdir og ábendingar skulu hafa borist sveitarstjóra Langanesbyggðar eigi síðar en kl. 16.00 fimmtudaginn 18. nóvember 2010.
Hægt verður að nálgast texta greinargerðarinnar, umhverfisskýrslu og uppdrætti aðalskipulagsins á heimasíðu Langanesbyggðar, www.langanesbyggd.is, frá og með 7. október 2010.
Þeir sem ekki gera athugasemdir innan tilskilins frests, teljast samþykkir tillögunni.
(ath. um er að ræða breyttar dagsetningar frá auglýsingu sem birtist þann 6. október sl.)
Sveitarstjóri Langanesbyggðar.