Skipulagsstofnun óskar eftir að ráða sérfræðing á umhverfissvið
Helstu verkefni:
· Störf að verkefnum stofnunarinnar varðandi mat á umhverfisáhrifum framkvæmda og umhverfismat áætlana
· Störf eftir atvikum að öðrum verkefnum sviðsins s.s. varðandi kynningar og leiðbeiningar
· Önnur þau verkefni er sviðsstjóri kann að fela sérfræðingi
Menntunar- og hæfniskörfur:
· Háskólapróf í umhverfisfræðum eða önnur sérmenntun sem nýtist í starfi og styrkir umhverfissvið stofnunarinnar
· Skipulögð og sjálfstæð vinnubrögð
· Gott vald á íslenskri tungu og færni til að skrifa góðan texta
· Geta unnið í samhentum hópi og sýnt lipurð í mannlegum samskiptum
· Æskilegt er að umsækjandi hafi starfsreynslu sem nýtist beint í starfi
Nánari upplýsingar um starfið veita Rut Kristinsdóttir, rut@skipulagsstofnun.is og Stefán Thors, stefan@skipulagsstofnun.is.
Laun greiðast samkvæmt samningum fjármálaráðuneytisins við viðkomandi stéttarfélag svo og stofnanasamningi stofnunarinnar við það. Æskilegt er að umsækjandi geti hafið störf sem fyrst.
Í umsókn þarf að greina frá menntun, fyrri störfum og helstu verkefnum sem umsækjandi hefur tekist á við á undanförnum árum og sem hann telur að koma muni að gagni í starfinu. Umsóknir skulu sendar til Skipulagsstofnunar, Laugavegi 166, 150 Reykjavík.
Umsóknarfrestur er til og með 31. janúar 2013.