Staðfesting á breytingu á aðalskipulagi Ísafjarðarbæjar vegna Bolungarvíkurlínu 1
Skipulagsstofnun staðfesti, 17. maí 2022, óverulega breytingu á Aðalskipulagi Ísafjarðarbæjar 2008-2020 sem samþykkt var í bæjarstjórn 3. mars 2022.
Í breytingunni felst að við endurbyggingu Bolungarvíkurlínu 1 verður línunni hnikað til vesturs á stuttum kafla um Svarthamrahvilft.
Málsmeðferð var óveruleg breyting á aðalskipulagi samkvæmt 2. mgr. 36. gr. skipulagslaga nr. 123/2010.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.