Staðfesting á breytingu á aðalskipulagi Rangárþings ytra vegna vatnsverndarsvæðis fyrir Kerauga og Tvíbytnulæk
Skipulagsstofnun staðfesti, 4. ágúst 2022, breytingu á Aðalskipulagi Rangárþings ytra 2016-2028 sem samþykkt var í sveitarstjórn 18. júlí 2022.
Í breytingunni felst endurskoðun á afmörkun vatnsverndarsvæðis fyrir Kerauga og Tvíbytnulæk. Bæði grannsvæði og fjarsvæði stækka lítilsháttar og breyta um lögun.
Málsmeðferð var samkvæmt 1. mgr. 36. gr. skipulagslaga nr. 123/2010.
Hægt verður að nálgast aðalskipulagsbreytinguna á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.